غیرملکی میڈیا رپورٹس کہا گیا ہے کہ ترکیہ کے جنوبی علاقوں میں مقامی وقت کے مطابق 8 بج کر 4 منٹ پر زلزلے کے شدید جھٹکے محسوس کیے گئے جبکہ یہ علاقے پہلے ہی 6 فروری کے زلزلوں سے متاثرہ ہیں۔
رپورٹس میں بتایا گیا ہے کہ ترکیہ اور شام کے سرحدی علاقوں میں آنے والے زلزلے کی شدت 6.4 اور پھر 5.8 ریکارڈ کی گئی
غیر ملکی میڈیا کے مطابق شام میں 470 اور ترکیہ میں 213 افراد کے زخمی ہونے کی اطلاعات ہیں جبکہ کئی افراد کے ملبے تلے دبے ہونے کا خدشہ ہے جبکہ ریسکیو کا کام جاری ہے۔
سوشل میڈیا پر وائرل ویڈیوز میں دیکھا جا سکتا ہے کہ ترک صوبے حاطے میں عمارتیں اور سڑک پر نصب بجلی کے کھمبے جھول رہے ہیں۔شہریوں میں خوف وہراس پھیل گیا اور وہ گھروں سے باہر نکل آئے۔