واشنگٹن امریکی رکن کانگریس ایلیسا سلاٹکن نے کہا ہے کہ امریکی وزیر خارجہ پاکستان میں جمہوری آزادی کیلئے دباؤ ڈالیں۔ انہوں نے کہا کہ میں 100 اراکین کانگریس سے وزیر خارجہ ٹونی بلنکن کو خط لکھوا رہی ہوں کہ وہ پاکستان میں جمہوری آزادیوں کے لیے دباؤ ڈالیں۔ مشی گن میں پاکستانی ڈاکٹروں سے خطاب کرتے ہوئے ایلیسا سلاٹکن کا کہنا تھا ہماری کوشش ہے پاکستان میں جمہوری آزادی ہو، کوشش ہے پاکستان میں اظہار رائے اور جمع ہونے کی آزادی ہو، پاکستان میں اپنی قسمت کا فیصلہ کرنے کی آزادی ہونی چاہیے۔
